Postprograma

Behin IKT izeneko ikasgaia amaituta, hiru hilabete hauetan burutatu ekintza esanguratsu guztiak biltzeko ordua da, postprograma izeneko jardueraren bitartez. 

Blog honetan ikusi ahal izango duzuenez, hainbat kontzeptu jorratu izan ditugu, baina hasieratik hasiko gara horiek guztiak hurrenez hurren laburki aztertzeko.

Ikusi ahal izango duzuenez, ikasgai honetan, talde bakoitzak blog bat izan du oinarri gisa, eta bertan eskegi izan ditu haren zeregin guztiak, baita bakoitzari bururatu izan zaizkion hainbat eranskin, bizitza pertsonalari edo interesgarriak izan diren dokumentuei erreparatuz. 

Lehenengo egunean, aurkezpen gisa, irakasleak gure bizitzan IKTek zer nolako garrantzia eta eragina zuten jakiteko nahian, galdera batzuk erantzutea proposatu zigun honen inguruko aurreiritziak jakiteko asmoz, eta hortik abiatuz, hurrengo hilabetetan zehar emateko prest zegoenaren metodologia zehazteko.  

Bigarren egunean, berez IKTko eduki bat ez den, baina irakaslearentzat gurekin elkarbanatzeko ezinbestekoa izan den pertsonai bat ezagutuko dugu, Frederik izenekoa. Berez, jarduera hori horretan geratu da, ez dugu besterik egin izan behar, baina gure taldea klasean gertatzen den guztia dokumentatzeaz arduratzen denez, sagutxu honen ipuinaren irudiekin bideo bat egin dugu, gure ahotsekin lagundurik. 

Hurrengo egunetan, irakasleak gure bloga osatzeko denbora eman baino lehen, berak azalpen  eta iradokizun zehatz batzuk eman izan dizkigu, guretzat momentura arte ezezagunak izan diren kontzeptuak irakatsiz eta irakasle izango garen heinean, ondo etorriko zaizkigun hainbat iradokizun pedagogiko eskainiz. IKTei erreparatuz, esan bezala, hainbat eduki ikasi izan ditugu, hala nola, Copyright-ak, Copyleft-ak, Creative Commons, RSS-ak, Etiketak eta Hastag-ak. 

Gainera, pedagogiari erreparatuz, aipatzekoa da Javier Abad-en bloga gomendatu izan digula  behin baino gehiagotan irakasleak, beste batzuen artean, noski, eta hau nahiko lagungarria izan zaigula taldeka hezkuntzari begiratuz hainbat lan egiterako orduan. 

Dakizuenez, lan talde bakoitzak zeregin bat izan dugu esklusiboki bere blogran lantzeko, eta hori behin bukatuta, aurkezpenen garaia heldu da. Hauei esker, pilo bat ikasi dugu, sarritan aipatu bezala, talde bakoitzak momentura arte askorentzat ezezagunak izan diren aplikazio teknologikoak azaldu eta horiek erabiltzen irakatsi baitu. 

Bukatzeko, eta ikasgai honi amaiera emanez, ebaluazioaren, autoebaluazioaren eta koebaluazioaren ordua heldu da. Horrela, azken saioan, taldeka bildu eta gainerako taldeen lana, baita gurea ere ebaluatu behar izan dugu. 

PAPER ZORROA

Asteak dira lan honekin hasi ginenetik, eta denbora azkar pasatu den arren hau gure azken sarrera izango da. Gure lehenengo klasea gogoratzerakoan, galduta geundela irribarre batekin gogoratzen dugu, ez genekiela nondik hasi edota irakasleak esaten zuena ez genuela ulertzen. Baina gauzak aldatu dira hilabete hauetan zehar eta beldur hori desagertuz joan da ikasten joan garen heinean.

Gazteak garen heinean, beti pentsatu izan dugu teknologia berrien gaia menperatzen genuela eta ez genuela laguntzarik behar. Baina ikusi dugu laguntza eskatzea ez dela gauza txarra eta gazteak garen arren, hainbat gauza ezezagunak direla guretzat.

Taldean lan egitea, lagungarria izan da, batek ez zekiena guztion artean aurrera atera dugulako. Baten akatsetik guztiok ikasi dugulako eta hortik abiatuz ezagutza gehiago barneratu ditugulako.

Teknologia berrien inguruan, esan beharra dago eskolarako oso baliogarriak iruditzen zaizkigula. Horrela, klaseak dinamikoagoak bilakatu daitezke eta eguneroko bizitzarako prestatuta egongo dira. Jakin badakigu, gaur egungo gizartea, Teknologia Gizartea dela eta umeak teknologietatik aldendu beharrean, horiek ondo erabiltzen irakatsi behar diegu. Horretarako ezinbestekoa da irakasleak arlo honetan formatzea haurren ikaskuntza ahalik eta hoberen gauzatzeko.

Hori abiapuntutzat hartuz eta kontuan izanik euskara hizkuntz minoritarioa dala interneten, uste dugu iraklasleon zeregina horren erabilpena sustatzea dela eta eduki berriak sortzea. Horregatik erabaki genuen Fredericken bideo euskaratzea eta internetera igotzea. Horrelako ekintzak eginez, material gehiago topatu ahal izango dugu web orrialdeetan gure hizkuntza sustatzeko.

Harro gaude egindako lanarekin, izandako oztopoak gainditu izan ditugu eta pixkanaka-pixkanaka barneratzen joan garen gaitasunekin aurrera egiten joan gara. Klasean gertatutako guztia dokumentatu dugu eta RSS, CREATIVE COMMONS eta ETIKETEN inguruan gehiago sakondu dugu. Gai garrantzitsuak direla uste dugu eta horregatik irakasleak emandako informazioa abiapuntutzat hartuta gehiago sakontzea erabaki genuen bideoak gehituz. Gu kontzeptu hauek landu baditugu ere, talde bakoitzak gai desberdinak landu ditu eta haien blogetan plasmatu dituzte. Ahalegindu gara blog horietan agertzen zena labur-labur azaltzen gero, bakoitzak erabaki dezala zein gustatzen zaion gehiago eta hori aztertu dezala. Honako hauek dira gure taldekideen blogak: Kenpa, K´Mon Tutankhamon, Oromiñurti, Around the World eta Gonazpikue. Gure lanarekin jarraituz sekuentzia didaktiko bat egin genuen teknologia berrien sustapena eskolan lortzeko; sekuentzia didaktikoa blogean jarri genuen eta gero Power Point formatoa erabiliz gure klasekideei azaldu genien.

Gure proiektuari amaiera emateko, hausnarketa pertsonalak egin genituen ikasgai honen inguruan eta blogera igo genituen. Eta postprograma amaitu eta igo genuen non lauhilabetean zehar egindako ekintzen laburpena agertzen den.

Beraz, agur esateko unea heldu da. Oso gustura ibili gara lan honekin eta aldi berean gauzak ikasteko aukera izan dugu. Espero dugu, blog hau irakurtzerakoan, guk transmititu nahi izan duguna ulertzea eta disfrutatzea.

Eta gaur... Marigorringoen txanda!!

Jada azaldu genuen legez, pasa de astean IKT ikagaieko aurkezpenak hasi ziren eta 3 taldek azaldu zuten denen aurrean zein izan den euren zeregina hilabete hauetan. Horrekin jarraitzeko, gaur, gainerako taldeon txanta heldu da. 

Lehenengo, oromiñurti 2.0. taldekoek egin dute aurkezpena eta ondoren, gonazpikue-koek. Gu azkenak izan gara, izan ere, guztiek dakizuenez, gure lana klasean gertatutako guztia dokumentatzea izan da, horregatik irakasleak gu azkenak izatea erabaki zuen. 

Gure aurkezpenari erreparatuz, azaldu beharrekoa taldekideen artean banatu eta ideiak ordenatu ostean, gainerako ikaskideen aurrean jarri eta lanari ekin diogu. Hasteko, bloga gainetik azaldu ostean, burutu dugun bideoa aurkeztu dugu, klasean egin dugun guztia modu teknologizatu batean dokumentatzeko. 

Jarraian, Lehen Hezkuntzako 6. mailarako burutu dugun sekuentzia didaktikoaren berri eman diegu gure ikaskide eta irakasleari zenbait jarduera proposatuz, ikasgai ikasgai. 

Orokorrean, lan ona egin dugulakoan gaude, aurkezpenean zenbait arlo hobetzeke geratu arren. 

Lehenengo aurkezpenak martxan!!

Gaur, azaroak 5, aurpezpenekin hasi dira gure taldekideak. Hiru taldek egin dute, "kenpaa4", "k`mon Thutankamon" eta "Around the world"-ekoek, hain zuzen ere. Gure proiektu zein bideoan jada azaldu dugunez, lehenengoek sare sozialen nondik norakoetan oinarritu dute bere lana, eta Lehen Hezkuntzan horiek guztiak nola erabil ditzakegun azaldu digute, bukatzeko bakoitzak egin behar izan dugun inkesta batean gure iritzi guztiak batuz. Bigarrenek, teknologia berriek (ordenagailuek, mugikorrek, iPad-ek eta bestelakoek) zer nolako aurrerapenak izan dituzten kontatu digute, baita gaur egungo umeek gero eta gehiago erabiltzen dituztela hauek hainbat esparrutan. Horrez gain, Lehen Hezkuntzak hauek noiz eta nola erabil daitezkeen azaldu digute eta ure iritzia jakiteko galdetegi bat eginarazi digute, etorkizunean, ur datu guztiak jaso eta gero, horiekin grafiko bat egingo dutelarik. Azkenen aurkezpena interesgarriena iruditu zaigu Marigorringoei.Izan ere, momentura arte erabili izan ez dugun aplikazio baten berri eman digute, prezi izenekoa. Aplikazio honek aurkezpenak egitea ahalbidetzen digu, baina modu original eta ezberdin batean, power point-a ez bezala. Horrez gain, aipatu berri dugun azken honen bideo bat ere erakutsi digute haren funtzionamenduaren inguruan.Hau guztia, arber digital baten bidez egin dute, amaieran, klasekide askok honetan idatzi ahal izan dugularik.

Irakaslerik gabe

Gaurko saio praktikora sartu bezain pronto, egoera ezberdin batekin egin dugu topo. Ikasgelara heldu, eta irakaslea ez zegoelako oharpena jaso dugu. "Gaixorik egongo da" adierazi dute batzuek; "edo berandu ailegatu ohi da" besteek. Zalantzak zalantza, berehala etorri zaigu Karmele horiek guztiak argitzeko. " Bizitzak batzuetan besteleku batzuean behar zaitu" Ikasleok gure lanean oinarritu gara saioa aprobetxatzeko, eta Alaitzen laguntzarik eta azalpenik gabe, baina ondo moldatu gara. Hurrengo astean aurkezpenak hasiko direnez,lana bukatzear gaude, gu hain zuzen, LH-rako prestau dugun sekuentziarekin gabiltza gora eta behera.

2012-10-22

Gaurko saioan, klasean gertatzen den guztia transmititzeko asmoz, etxetik ekarritako bideo-kamara batekin, klasekideak grabatu ditugu, klaseko giroa eta klaseetan nola egiten duten lan behatzeko.
Gainera, bideo-kamera ekarri dugula aprobetxatuz, taldeko argazki bat atera dugu, taldeko aurkezpenean jartzeko.

Horrez gain, gure gaia argazki eta bideo editatzaileak erabiltzea denez, klaseko giroa nolakoa den grabatzeaz gain, klaseko talde bakoitzak  egindako blog-a grabatzea pentsatu dugu, horien atalak azalduz. Beraz, klasean bideo horiek grabatzerakoan zer esango dugun eta nola esango dugun idatzi dugu Word batean, hau da, bideoa grabatzeko gidoi moduko bat egin dugu.
Gidoia egin ondoren ez dugu blog-ak grabatzeko astirik izan, beraz taldekideen artean blog-ak banatu ditugu eta hori etxeko lan moduan utziko dugu.

Azkenik, klaseko azken minutuetan, sekuentzia didaktikoarekin hasi gara, hurrengo klasean jarraitzeko asmoz.

Klaseko blogak behatuz

Gaur klasean, besteen lanengandik ikasteko xedearekin, beste taldeen blogak ikusi ditugu. Talde bakoitzak bere bloga aurkeztu du besteen aurrean eta zer egiten zenbilen azaldu du. Nahiz eta gaiak haien artean erlaziorik ez duten, besteengandik ikasteko aukera nahiko handia da.

Hona hemen blogak:

www.xaitaioi.blosgspot.com.es helbidea duen blogean informazioa topatu dezakegu mugikorren erabilerari buruz ikasgelan. IKT-en eragina eskolan eta 2.0-ri buruzko informazioa.

www.gonazpikue.blogspot.com.es blogean, artea eta IKT-een arteko loturak agerzten dira, programa desberdinak erabiliz ezagutza batean garatzen duten bitartean.

www.kenpaa4.blogspot.com.es talde honen blogean, sare sozialak, blogak eta wikiei buruzko informazioa aurkitu dezakegu. Informazioa topatzeaz gain, haien usteak eta iradokizunak topatuko ditugu teknologia berri hauen erabilerari buruz.

www.orominurti.blogspot.com.es wordle, EduGloster eta infografia bezalako programak aztertzen dituen bloga da. Ikasitakoarekin eta arlo konkretu batean zentratuz, proiektu bat burutzea da haien xedea, ikasitakoa praktikan jartzen duten bitartean.

www.laurokbat.blogspot.com.es blogean erraztasunak topatuko ditugu power point, arbel dijitala eta pressi programak erabiltzeko. Horretaz gain, talde honek programa hauen erabilera aztertuko du eskolan.

Horrez gain, irakasleak TAG-ak eta HASHTAG-ak zer diren azaldu du gure blog-ean etiketak modu egokian erabili ahal izateko. 

Horretarako,  http://lindacastaneda.com/mushware////index.php/enfocar-flujos-de-informacion-la-importa orrialdean dagoen informazioaz baliatu egin da, eta aldi berean guk "gure projektu"-ra horri buruzko lapurpen bat igo dugu, azalpen zehatz eta argiago bat emateko asmoz. 

Azkenik, klaseari modu ezberdin batean amaiera emateko, ordenagailuak amatatu, eta lurrean edo bakoitzarentzat erosoen zen lekua aukeratu du, berarentzako une berezi bat izateko, bere gorputzak deskantsatu egiten zuen bitartean. Gure baitan murgildurik geundela, Alaitz izeneko irakasleak testu txiki bat irakurri digu, momentu batez gure pertsonari eta pentsamenduei lekua uzteko. Guretzat, une berezia izan da hori.